İştirak şərtnaməsi (Etik davranış qaydaları)

Bu sənəd IV Aeromodelizm Festivalı üzrə bütün kateqoriyalarda iştirak edən yarışçılar, mentorlar və komandalar üçün ümumi iştirak şərtnaməsini və etik davranış qaydalarını müəyyən edir. Kateqoriya üzrə texniki qaydalar müvafiq qaydalar səhifəsində verilir.

• Yarış ərazisinə (toplantı çadırı, raket buraxılış məntəqəsi və ya start məntəqəsi) yalnız yarışçı və mentor yaxınlaşa bilər.
• Mentor xaricində valideynin və ya digər şəxsin tərəf olaraq yaxınlaşması və ya müdaxiləsi mübahisəsiz şəkildə yarışdan diskvalifikasiya ilə nəticələnir.
• Yarışdan ən azı bir gün əvvəl aviamodellər karantin ekspertinə təqdim olunmadan yarış ərazisinə daxil edilərsə, həmin yarışçı və ya komanda yarışdan diskvalifikasiya olunur.

• Bütün hallarda etiraz və apellyasiya şikayəti yalnız yazılı şəkildə qəbul olunur.
• Etiraz vermə müddəti nəticələr elan olunduğu gün daxil olmaqla 3 (üç) gün ərzində keçərlidir.
• Apellyasiya şikayəti verən yarışçı və ya mentor yarış zamanı istifadə etdiyi aviamodeli (raket, dron, təyyarə, CubeSat və s.) ekspert hakimə təqdim etməyə borcludur; əks halda etiraz qəbul olunmur.
• Yarışçı və ya mentor tərəfindən bildirilən etiraz əsaslandırılmadıqda, etiraz 14 gün ərzində kollegial qaydada araşdırılır və baxılır.

• İştirakçılar, mentorlar və komandalar yarışdan əvvəl, yarış zamanı və sonra təşkilatçıların, hakimlərin və digər iştirakçıların hüquqlarına hörmət etməlidirlər.
• Yarış ərazisinə giriş, karantin, etiraz və apellyasiya qaydalarına riayət etmək hər bir iştirakçının və mentorun məsuliyyətidir.
• Bu şərtnamənin pozulması mübahisəsiz diskvalifikasiya və ya etirazın qəbul edilməməsi ilə nəticələnə bilər.