Haqqımızda

Aerokosmik Modelçilik Festivalı "Yeni üfüqlərə doğru" şüarı altında keçirilən, aerokosmik texnologiya, tədqiqat və əməkdaşlıq sahələrində innovasiyaları dəstəkləyən və gənc mühəndislər ilə innovatorları bir araya gətirən unikal bir platformadır.

Festival çərçivəsində iştirakçılar öz hazırladıqları raket və peyk modellərini nümayiş etdirir, aerokosmik yeniliklər haqqında fikir və təcrübə mübadiləsi aparırlar. Bu mühit gənclərə həm biliklərini paylaşmaq, həm də komanda şəklində çalışma, kreativ düşüncə və problem həlletmə bacarıqlarını inkişaf etdirmək imkanı yaradır.

Beləliklə, festival ölkəmizdə aerokosmik texnologiyalar sahəsinin inkişafına və yeni nəsil mütəxəssislərin yetişməsinə töhfə verən önəmli bir tədbir kimi çıxış edir. Aerokosmik Modelçilik Festivalı "Yeni Texnologiyaların İnkişafına Dəstək" ictimai birliyi tərəfindən təşkil olunur.

Festivalın əsas məqsədi aerokosmik sahədə innovativ gənclərin potensialını üzə çıxarmaq, roket və peyk modelçiliyi idmanını cəmiyyətdə kütləviləşdirmək və inkişaf etdirmək, həmçinin bu texniki idman növünün sağlam həyat tərzinin formalaşmasında rolunu gücləndirməkdən ibarətdir.

Bu istiqamətdə festival gəncləri elm və texnologiya sahəsində fəal olmağa həvəsləndirir, onlara yaradıcı ideyalarını reallaşdırmaq üçün ilham verir.

Nəticə etibarilə, Aerokosmik Modelçilik Festivalı ölkəmizdə aerokosmik sahənin davamlı inkişafına və texnoloji yaradıcılığın təşviqinə uzunmüddətli töhfə verməyi qarşısına məqsəd qoyur.

Aerokosmik Modelçilik Festivalı qısa müddətdə öz əhəmiyyətini sübut etmiş və böyük bir uğura imza atmışdır. Festival, İRİA – İnnovasiya və Rəqəmsal İnkişaf Agentliyinin təşkil etdiyi "IDDA AWARDS 2024" müsabiqəsində "İlin Texnologiya Tədbiri" nominasiyasında I yerə layiq görülmüşdür.

Bu yüksək mükafat festivalın ideyasının cəmiyyət tərəfindən dəstəkləndiyini göstərir və komandamızı gələcəkdə daha böyük nailiyyətlərə imza atmağa ruhlandırır.

Biz də "Yeni üfüqlərə doğru" şüarımızdan güc alaraq, hər il daha çox gənci bir araya gətirməyi və aerokosmik sahədə yeni nailiyyətlərə imza atmağı hədəfləyirik.