Aerokosmik Modelçilik Festivalı
0%
Məqsəd
Bu səhifə qaydanın tam spesifikasiyasını, əlavə materialları və iştirak üçün vacib keçidləri bir yerdə topluyur.
Məqsəd “CubeSat” müsabiqəsi tələbələr və məktəblilər arasında kosmik sahəyə marağın artırılması və bu sahədə fundamental bilik və bacarıqlar formalaşdıraraq yerli kadrların yetişdirilməsi məqsədilə təşkil edilir. Bu müsabiqədə qarşıya qoyulan tapşırıqlar elektronika, mexanika, proqramlaşdırma kimi mühəndislik istiqamətləri üzrə nəzəri və təcrübi biliklərin tətbiqinə və inkişafına şərait yaradır. Bundan əlavə olaraq...
“CubeSat” müsabiqəsi tələbələr və məktəblilər arasında kosmik sahəyə marağın artırılması və bu sahədə fundamental bilik və bacarıqlar formalaşdıraraq yerli kadrların yetişdirilməsi məqsədilə təşkil edilir. Bu müsabiqədə qarşıya qoyulan tapşırıqlar elektronika, mexanika, proqramlaşdırma kimi mühəndislik istiqamətləri üzrə nəzəri və təcrübi biliklərin tətbiqinə və inkişafına şərait yaradır. Bundan əlavə olaraq, iştirakçılar komandada işləmə, təqdimat və planlaşdırma kimi faydalı bacarıqlara yiyələnirlər. Müsabiqənin şərtlərinə əsasən, komandalar tərəfindən kiçik peyk modeli hazırlanır. Model müəyyən edilmiş hündürlükdən buraxıldıqdan sonra yerə enərkən və eniş fazasından sonrakı müddətdə təyin olunmuş missiyanı yerinə yetirir.
CubeSat yarış modeli
Alt sistemlərin işləkliyi və uçuş məlumatlarının düzgünlüyünü yoxlayaraq xəta baş verdiyi halda vizual və səsli xəbərdarlıq vermək üçün nəzərdə tutulmuşdur. Aşağıdakı hallarda xəta kodları SD kart və telemetriyada qeyd olunmalıdır: 1. Enmə sürəti 8-12 m/s aralığından kənarda olduqda; 2. GPS məlumatları alınmadıqda; 3. Ayrılma baş vermədikdə; 4. IoT məlumat ötürülməsi baş vermədikdə; 5. Yerlə təmasdan sonra səsli xəbərdarlıq olmadıqda.
- Layihələndirmə mərhələsi: 10 bal - Layihələndirmə hesabatı təqdimatı: 5 bal - Reallaşdırma mərhələsi: 12 bal - Reallaşdırma hesabatı təqdimatı: 20 bal - Uçuş mərhələsi: 50 bal - Uçuş sonrası hesabat: 3 bal
- Komandalar yalnız eyni universitetdən olan 3–6 nəfər tələbədən ibarət olmalıdır. - 1 məsləhətçi iştirak etməlidir. - Bütün mərhələlərə uyğun sənədlər təqdim edilməlidir. - Qeydiyyat, layihələndirmə, reallaşdırma, uçuş və hesabat mərhələləri yerinə yetirilməlidir. - Təqdimatlar online və ya münsiflər qarşısında aparılmalıdır.
- Bütün komponentlər əvvəlcədən test olunmalıdır. - Təhlükəli, yanan, pirotexniki və zəhərli maddələrə yol verilməməlidir. - Elektrik sistemləri qoruyucu izolyasiyaya malik olmalıdır. - Batareyalar sabit və qısaqapanmadan qorunmalıdır. - Modelin qəfil qopacaq hissələri olmamalıdır. - Uçuş zamanı təhlükəsizlik təmin edilməlidir. - Ətraf mühitin və insanların təhlükəsizliyi qorunmalıdır.
- Plagiat və mənasız məzmun təqdimatı. - Təhlükəsizlik qaydalarına əməl etməmək. - Komanda üzvü olmayan şəxslərin iştirakı. - Sabotaj və ya digər komandaların işinə müdaxilə. - Zəruri sənədləri təqdim etməmək. - Nəticələrin saxtalaşdırılması. - Təşkilatçılarla etikadan kənar davranışlar. - Uçuş və hesabat mərhələlərində tələb olunan formata əməl etməmək.
- CubeSat-ın ümumi kütləsi 475 ± 25 qram olmalıdır. - CubeSat ölçüləri 100x100x100 mm ölçüsündə kub şəklində olmalıdır. - Enmə sistemində yalnız passiv paraşüt istifadə edilməlidir; aktiv sistemlər qadağandır. - Passiv enmə sistemi model ölçüsünü aşmamalıdır və uğurlu enmə təmin etməlidir. - Konteynerə ilişəcək kəskin kənarlar və çıxıntılar olmamalıdır. - Batareya qoruyucu örtüklə sabit şəkildə quraşdırılmalı və zərbələrdən qorunmalıdır. - Pirotexniki və təhlükəli maddələr qəti qadağandır. - İsidici komponentlər (məsələn, nixrom məftil) izolyasiya olunmalıdır. - Model peyk açar və səs siqnalı ilə işə salınmalıdır. - Parlaq rənglərlə boyanmalıdır ki, havada görünə bilsin. - Yerüstü proqram təminatı komanda tərəfindən hazırlanmalı və telemetriya məlumatları real vaxtda vizualizə olunmalıdır. - HDMI və USB girişli noutbukda video çəkilişi aparılmalıdır. - Yerüstü stansiya: 1 noutbuk, 1 radio modul və 1 antenna; 2 saat batareya ömrü ilə. - Videolar minimum 640x480 piksel, 25-60 FPS, AVI/MP4 formatında olmalıdır. - IoT məlumatları kabel vasitəsilə ötürülməli, SD kartda saxlanmalı və yenidən ötürülməlidir. - Model istinad hündürlüyü təyin etməli və nisbi hündürlüyü ölçməlidir. - Cari enmə sürəti ölçülməlidir. - GPS koordinatları (lat, lng, hündürlük) qeyd olunmalıdır. - Temperatur, təzyiq, GPS, batareya gərginliyi, giroskop və kompas məlumatları 1Hz tezliklə ötürülməlidir. - Telemetriya məlumatları “KomandaID-2025.csv” adlı faylda saxlanılmalıdır. - CubeSat üzərində komanda adı, kapitanın nömrəsi və e-poçt ünvanı yazılmalıdır. - Batareya rahatlıqla dəyişdirilə bilməli və ən azı 1 saat enerji təmin etməlidir. - Model peyk yerə sınmadan enməlidir və işlək vəziyyətdə qalmalıdır. - Kompas üzrə istiqamətlənmə dərəcə ilə göstərilməlidir. - Enmə sürəti 8–12 m/s olmalıdır. - BONUS: İnterfeys siqnalizasiya sistemi (ISS) xəta kodları ilə monitorinq etməlidir.
