S-6-B Lent (Streamer) Kateqoriyası (Model Raket)

Aerokosmik Modelçilik Festivalı

S-6-B Lent (Streamer) Kateqoriyası (Model Raket) | S Model Raketlər | Aerospace Azerbaijan | Aerospace Azerbaijan

Haqqında

Məqsəd

S-6-B (Lent) kateqoriyasının məqsədi, ümumilikdə S-6-A ilə eyni olub, daha güclü mühərriklərin verdiyi imkanlar daxilində lentli eniş sistemi ilə maksimum uçuş müddətinə nail olmaqdır. Bu kateqoriya gənc mühəndislərin model raket dizaynı və optimallaşdırılması sahəsində biliklərini bir pillə də yüksəldir. S-6-B kateqoriyasında iştirakçılar "B" sinif mühərriklərin gücündən istifadə edərək raketlərini daha yüksəyə qaldıra bilir və bunun fonunda lent sisteminin effektivliyini sınayırlar. Beləliklə, S-6-B kateqoriyası S-6-A-dan fərqli olaraq, iştirakçılardan həm daha güclü enerji ilə baş edə biləcək davamlı konstruksiya, həm də sürətli enişi yavaşıdacaq optimal lent dizaynı tələb edir. Bu isə gənclərin problemlərin həllini və innovativ düşüncəni inkişaf etdirməsi baxımından əhəmiyyətlidir.

S-6-B Lent Model Raket

Qiymətləndirmə

Qiymətləndirmə Sistemi

Uçuş zamanı havada qalma müddəti əsas nəticə meyarıdır.
Hər komandanın ən uzun uçuş nəticəsi yekun nəticə kimi qeydə alınır.
Nəticələr saniyə dəqiqliyi ilə ölçülür və protokolla təsdiqlənir.
Bərabər nəticə halında əlavə uçuş (fly-off) keçirilə bilər.
Model uçuşdan sonra tam və sağlam bərpa edilməlidir, əks halda nəticə etibarsızdır.
İlk üç yer üçün diplom, medal və mümkün hədiyyələr təqdim olunur.
Əgər iştirak sayı az olarsa, S-6-A və S-6-B kateqoriyaları birləşdirilərək nəticələr ayrıca elan oluna bilər.

Mərhələlər

Yarış Qaydaları

Komandalar 1-3 əsas üzvdən ibarət olmalıdır; mentor yalnız müşahidəçi funksiyası daşıyır.
Model yarışdan əvvəl texniki baxışdan keçməli və mühərrik, lent sistemi yoxlanılmalıdır.
Start proseduru elektrik start sistemi ilə xüsusi rampalardan həyata keçirilir.
Hər komandaya iki uçuş cəhdi verilir, ən yaxşı nəticə yekun nəticə kimi götürülür.
Model uçuşdan sonra bərpa edilməli və münsiflərə təqdim olunmalıdır.
Əlverişsiz hava şəraitində uçuşlar təxirə salına və ya ləğv oluna bilər.
Komandalar start vaxtına ciddi riayət etməlidir, gecikmə diskvalifikasiyaya səbəb ola bilər.
Münsiflərin və təşkilatçıların bütün qərarlarına tam riayət olunmalıdır.
Uçuş zamanı və start bölgəsində təhlükəsizlik qaydalarına əməl edilməlidir.

Təhlükəsizlik Şərtləri

Start zamanı təhlükəsizlik məsafəsi ən az 10 metr radiusunda təmin olunmalıdır.
B sinif mühərrikin gücü səbəbilə lentin bərkidilməsi və materialı yüksək keyfiyyətli olmalıdır.
Model stabilliyi uçuşdan əvvəl yoxlanılmalı və təsdiqlənməlidir.
Elektrik start sistemi istismar edilməlidir; əl ilə alışdırmaya qəti qadağa qoyulur.
Pirotexniki və digər partlayıcı vasitələr modeldə istifadə edilməməlidir.
Hava şəraiti pisləşərsə (güclü külək və s.), uçuş təxirə salınmalıdır.
Model eniş zamanı sərt düşə biləcəyi üçün ərazidə təhlükəsizlik tədbirləri artırılmalıdır.
Ətraf mühitə və insanlara zərər verilməməsi üçün tullantılar düzgün toplanmalı və utilizasiya edilməlidir.
Modelin uçuşunda və enişdə hər hansı insident olarsa, dərhal təşkilatçılara bildirilməlidir.

Diskvalifikasiya Halları

Təhlükəsizlik qaydalarına əməl etməmək və ya onları pozmaq.
Texniki Şərtlərə uyğun olmayan mühərrik və ya lent istifadə edilməsi.
Rəqib modellərə zərər vermək və ya uçuşa müdaxilə etmək.
Start bölgəsinə icazəsiz şəxslərin müdaxiləsi.
Münsiflərin və təşkilatçıların qərarlarına hörmətsizlik və yarış etikası qaydalarının pozulması.
Ədalətsiz rəqabət, qeyri-etik davranış və ya yarışmadan imtina halları.

Tələblər

Texniki Şərtlər

Model raketlər yüngül və möhkəm materiallardan hazırlanmalıdır (kağız, plastik, balsa, kompozit materiallar və s.).
Modelin ümumi uzunluğu minimum 500 mm, gövdə diametri yarıdan çox hissədə ən azı 40 mm olmalıdır.
Modelin konstruksiyası daha güclü mühərrik (B sinfi) təsirinə dözümlü olmalıdır.
S-6-B kateqoriyasında yalnız 'B' sinif model raket mühərriklərindən (2.51–5.00 N·s impuls) istifadə edilə bilər.
Raket yalnız bir mərhələli və tək mühərrikli olmalıdır; çoxmərhələli və klaster sistemlər qadağandır.
Enmə sistemi yalnız lent (streamer) olmalıdır, paraşüt və digər vasitələr yolverilməzdir.
Lent yüksək möhkəm, elastik materialdan hazırlanmalı və sürətli açılmaya dözümlü olmalıdır (məsələn, kapron, lavsan).
Lentin uzunluğu S-6-A modelinə nisbətən 10-20% daha uzun ola bilər, en ölçüsü də ən az 5-8 sm olmalıdır.
Lent raket gövdəsinə şoker-kordon və ya elastik ip vasitəsilə möhkəm birləşdirilməlidir.
Model parlaq rənglərə boyanmalı və üzərində komanda identifikatoru (ad/nömrə) aydın şəkildə göstərilməlidir.
Mühərrik kamerası və burun konisi daha yüksək temperatur və təzyiqə qarşı möhkəm hazırlanmalıdır.